ಪಾರಿಜಾತದ ಘಮವೂ,..

ಮಂಜು ಮುಸುಕಿದ ಮುಂಜಾವಿನಲಿ
ಹನಿ-ಹನಿ ಇಬ್ಬನಿ ತಬ್ಬಿದ ಇಳೆಯಲಿ
ಆಗಸದಿಂದ ನೇಸರನ ಕಿರಣಗಳೊಂದಿಗೆ
ಧರೆಗಿಳಿದ ಪಾರಿಜಾತದ ಘಮವೂ …!

ಗೂಡಿಗೆ ಮರಳುವ ಹಕ್ಕಿಗಳ ಚಿಲಿಪಿಲಿಯಲಿ
ಹಾರುವ ದುಂಬಿಗಳ ನಾದ ಝೇಂಕಾರದಲಿ
ಗಾಢ ಹಸಿರ ಸಿರಿಯ ಮೇಲೆ ಹರಡಿ ಬಿದ್ದಂತೆ
ಹೊಂಬಣ್ಣದ ಲಿಲಿ ಹೂವಿನ ಕಿಲಕಿಲ ನಗುವೂ …!

ಮುದ್ದಿನ ತಂಗಿಯೊಂದಿಗೆ ಮನದಣಿಯೆ
ಮಣ್ಣಲಿ ಆಡಿದ ಆಟಗಳೊಂದಿಗೆ
ನೆನಪಿನಾಳದಿ ಮರೆಯಾಗಿ ಕುಳಿತಿವೆ
ಅಜ್ಜನ ಮನೆಯ ಸವಿನೆನಪುಗಳು !

Read more here: ನೆನಪಿನ ಬುತ್ತಿ – I – ಅಜ್ಜಿ ಮನೆ – ಭಾಗ – ೧ ಪಾರಿಜಾತದ ಘಮವೂ, ಲಿಲಿ ಹೂವಿನ ಕಿಲಕಿಲವೂ..,
https://www.prasadk.com/my-press/storyofliliesandnightjasmine/

-Smitha Alangar